Sibling love

Kya kahun is pyaar ke baare mein

Labz bayan nahin karsakte

Mere yaar ke baare mein

Woh yaar jisne har waqt saath diya

Kehne ko to sirf bhai hai mera

Lekin har kirdar ada kiya

Sirf bhai kaise kehdun use

Jisne kabhi dost bankar

Meri galti chupayi

Toh kabhi validen bankar dant lagayi

Sikhaya to bahot kuch hai usne

Par jo pyar usne diya

Aur dena sikhaya

Wo mein kabhi na bhul payi

Zindagi ke har us mod par

Jab dil tootne ki awaaz ayi

Use sun kar wapas jod dene wala jo tha

woh tha mera bhai

Kabhi koi baat us se nahi chupayi

Dil ki har baat bhi hai use batayi

Par dil ki ye baaten us se kabhi na bol payi

Ladai jhagde to bahot kiye hein uske saath

Naye jagde to chodo

Humne toh abhi tak purani bhi nahi suljhayi

‘Tujhse kaun pyaar karta hai’

ek dusre ko ye baat hamesha sunayi

Magar jo is takrar mein bhi pyaar ko dekhle

Aisa hai mera bhai