The most unsung hero:-Dad

Matlab bhare is sansaar me,jaha sabko apni padhi hai,

Koi toh tha,jo humesha khudse pehle mujhe chunn raha tha,

Koi toh tha jo apne kurte ka ek ek dhaaga nikaalkar, mere kiye nayi shirt bunn raha tha,

Aur saari khwaishen puri ho rahi thi meri,koi toh tha jo chhupke meri aur bhagwan ki baate sunn raha tha.

Koi toh tha jo mere samno ka mahal khada karne ke liye,apne sapno ki imaarat ghata raha tha,

Main soch raha tha zindagi itni aasaan kaise ho gayi,koi toh tha jo raaste ke saare kaate hata raha tha.

Is jalti,tapti duniyadari me,thand ki meethi shaam pita hai,

Jo pyaar kare jag se zyada,par kabhi jataaye na,tyaag ka woh dusra naam pita hai.

Kabhi meri ungli thaam mujhe chalna sikhaya,toh kabhi meri girti cycle ko sambhala hai,

Aree main kyu na umeed lagau zindagi se aish o aaaram ki,mere raja jaise pita me mujhe rajkumar ki tarah paala hai.